Ликвидация цен

Все для дома!

Объявление

Открылся цех по изготовлению пластиковых окон Цены низкие , постоянным клиентам скидки. Адрес: ул.Сталина 102а, возле городского озера. Телефон для справок : 8 929 810 60 50

Все комментарии

  • куыдайраг
    Написал(а): куыдайраг
  • Старый Цхинвал
    Написал(а): Старый Цхинвал
  • Старый Цхинвал
    Написал(а): Старый Цхинвал
  • Парус
    Написал(а): Парус
  • marat
    Написал(а): marat
  • ATTILA
    Написал(а): ATTILA
  • Чегевара
    Написал(а): Чегевара
  • Добрый Лев
    Написал(а): Добрый Лев
  • 1812
    Написал(а): 1812
  • IRON38
    Написал(а): IRON38
  • IRON38
    Написал(а): IRON38
  • МОН-90
    Написал(а): МОН-90

Экстренные службы

  • 112 – МЧС РЮО
  • 101 – Пожарная служба
  • 102 – Милиция
  • 103 – Скорая медицинская помощь
  • 104 – Аварийная служба газа
  • 105 – Водоканал
  • 8 929 806 5030 – Защита прав потребителей

Цитаты

"Народ, который выбирает коррупционеров, самозванцев, воров и предателей, - не жертва. Он - соучастник!" Джордж Оруэлл.

***

l сотовый поликарбонат сотовый поликарбонат mj2w | Самый быстрый способ получить права - автошколы Москвы, метро Домодедовская. Упражнения на площадке.
Информация к новости
  • Опубликовано: 24 марта 2010
  • Рубрика новости: История
  • Просмотров: 7360
  • Комментариев: 0
  • Размер шрифта: a- | А+
a- | А+

Лохты Джамбулат: Гуырдзыйы даелбар уаеваен наей

         Лохты Джамбулат: Гуырдзыйы даелбар уаеваен наейНа фыдалта, цамай гуырдзиаг наци перс ама туркаг тыхганджыты къухай ма ныццагъды уой, бынтон са мыггаг ма сыскъуйа уый тыххай бира туг ныккалдтой. Бира фалтарта на сихсыдис уыдон сарыл хастыты. Ма ныхаста арымысаггаг не сты, ма фыстыты растдзинад арф, ламбынаг ама бастон фыст у гуырдзыйан сахи ахуыргандта, зынга историкта ама ахсанадон архайджыты зонад - иртасан, ама андар сармагонд куыстыты. Царанбонты гуырдзиаг лаган йа фыццаг фадисон, йа фарсхацаг ирон кай уыдис, уый гуырдзы сахадаг хорз зонынц. Зонга йа барга канынц, фала абузныг адаймаган цасфанды фарныг хъуыддагта ма араз! Арфа ама бузныджы басты царамбонты сусаг - аргом архайдтой растаг ироны бафхарыныл, йа кад ама ном ын арныллаг каныныл. Уый хыгъд архайдтой на царды агъдаутты, культура ама аивады хорзай цы ис, уыдон сахи баканын, сахиуыл са арфыссыныл. Уымай дарддар, алы саран гуырдзиаг дар, йахицан кады хъуыддагыл  нымадта ирон чызджы йахицан цардамбалан арканын.

 

       Заххытай дар цух на уыдыстам. На территории абонау кадавар миийаг куынна уыдис, фала аххастис Онай суанг Душетма. Аппат уыдатты тыххай мам бира загъинагта, бира бастон цавиттонта ис, фала абон ма ныхасы сар андарыл у.

 

         Алчи дар на зоны,  фехъуыста 20-ам азты хабартты тыххай. Зонам са, фала уалангайтты. Хъыгаган на историйы чингуыта ама аив литературайы дар цъус армаг ис уыцы цауты тыххай. Уады «царды хицаутта» нын аргомай бар на лавардтой са кой канынан. Ахам уыдис «афсымарон» адамты халардзинады манг авдисан. 80-ам азты аз куыстон на радиокомитеты ама на Автономийы бонма бацатта кодтон радиобакаст. Автономи, стай сарибардзинад (аниу нын уый та кад уыдис) махан лавар кай на бачындауыд, фала йа на адам са тугай кай балхадтой, аппат уыдатта ныффыстон ма уацы. На адамы нын гуырдзиаг меньшевикта быныскъуыд сканынма кай хъавыдысты, уый тыххай загътон аргом. На сайраг редактор, зынга фыссаг ама журналист, дзанаты бадинаг Гугкаты Шамиль уыдис. Бакастис армаг, ама алыран дар дзырд «гуырдзиаг» ахахх кодта.  Стай мын афта загъы, барга, загъга растыта фыссыс, фала ахам хъуыддагты тыххай аргомай дзуран най. Бахатыдис мам, цамай ахам терминтай ма пайда канон. Ахамта, загъга, «уаллагты» зардама на цауынц, ама дын смаст кандзысты. Ама раст уыдысты йа ныхаста, бира растаг на рацыд ама махиуыл бавзарстон « уаллагта» кай хуыдта, уыдоны «аудындзинад».

 

    Уадай бира растаг рацыдис, дуг дар раивта. Абон 20-ам азты цаутан авдисан чи уыдис, уыдонай цардагас ничиуал ис. Нал нам ис уыцы трагедийы удагас авдисандарта. Фала на бирата фехъуыстой аввахс хиуаттай уады трагикон цауты тыххай. Уыма гасга уадз ама алчи дар радзурад уады растаджы фехъусга хабартты тыххай.       Уый уыдзанис цымыдисон, ама ганан ис мыхуыр  арацауой хицан чиныгай дар. Бира азты разма махадаг,  уад ма цардагас чи уыдис, уыдон ныхастай фафыстон уады хабарттай хицан цаута, ама са рахджы хъавын мыхуырма бацатта канын. Ныр та ма фанды радзурын на бинонта уад цы таранта баййафтой, уыдонай.

 

         Ма фыдалта царанбонты Цъунары цардысты. Ацы хъауы райгуырдис ма фыды фыд Датикъо 1880 азы. Йа ныййарджыта Когка ама Гуыцмазонан 9-ам  сываллоны кастары хистар уыдис. Адаппат  бинонта уыдысты 42 адаймаджы. 1902 азы ме Стыр фыд  ардам йахицан цардамбалан архаста зайраг Уанеты Къузманы чызг Машойы. Рацыдис сын фондз чызг ама иу лаппу. Цардысты ангом ама хъармуд,  бира хорз фандта сам уыдис царды, фала сын на бантыстис са сыххат канын. 1918 азы хадзары хистар фарынчын рауджыты низай, нал саран, ама бинонта баззадысты сидзарай. Фондз тиуы уыдис Машойан, ама са иунаг дар йахицан на арластаид суг, на бахуым кодтаид йа заххы гаппал, на аркарстаид ама арыссывтаид йа хоры хуымта, цалынма йу ын йа куыстыта на бабастон кодтой. Уалдай равдыд кодтой сабиты дар. Адам уад магуыр ама цыбырдар къух уыдысты, ахуырдзинад дар сам уадиссаг кам уыдис, фала карадзиийыл хацынгъом уыдысты.   Иумиаг уыдис са цин ама хъыг дар. Афтамай, хистарты хорз агъдаутта ама миниуджытыл хъомыл кодтой ама са хайджын уыдысты фасивад дар. Афта йахи тыхтай, хиуатта ама адамы фарцы Машо дар схъомыл кодта ама адамы рагъы ракодта йа кастарты, ама сын са дзабахта уынга ананиз ама цастырухсай фацардис 92 азы. Кад ыл азта са уаз аруагътой, уаддар нырма  хъаддых уыдис,      зондай дар на фацудыдта, йа зардыл хорз лаууыдысты ивгъуыд дуджы цаута, ама иу нын са радзырдта.

 

           Ма фыд Вахтъанг та фацардис 84 азы. Гуырдзыйы меньшевикты арбабырсты растаджы йыл цыдис 7 азы, фала йа зардыл хорз лаууыдысты куыд са фасырдтой, уыцы хабартта. Арыййафта, ама йахи цастай федта 1989-91 азты цаута дар. Арах иу загъта, загъга, чи уыдис анхъал, ама на 20-ам азы чи цагъта, уыдоны кастарта та нам ногай сласдзысты са кардта.

 

        Катай кодта, йа зарда рыстис Ирыстоны хъысматыл, на адамы сомбоныл. Йа амалаты разма сарды уыдтан нахима ама фынгыл бадтыстам. Йа хуызыл бараг уыдис бира кай нал ахасдзанис. Ракуывта Ирыстонан, ама афта загъы:

 

       «Аз ай нал араййафдзынан, фала арцаудзан растаг ама дыууа Ирыстон анаманг баиу уыдзысты. Ссу иу уад ма инганма, ама иу хъарай загъ, на адамы анусон баллицц сыххаст, загъга. Зон ай уыцы ахсызгон хабар нам уырдам дар кай фехъуысдзанис».

 

         Абон цардагас нал у ма фыд, йе мдугонтай дар ничиуал ис, нал арыийафта абоны дуг, фала йын аз йа куырдиат сыххаст кодтон. Куырыхон ама бира фенаг уыдис, бира зыдта. Йа дуджы бира ахсджиаг цаутан уыдис авдисан, хъавыдис йа мысинагта ныффыссын дар, фала йын на бантыстис. Ныр аз бацархайдзынан йа радзырдтай ма ма зардыл цы бадардтон, уыдон ныффыссын.

 

         Дыууынам азы июны майы Хуссар Ирыстоны Ревком Онай- Душетма Советон хицауад куы расидтис, (ма хъуыдыма гасга дыккаг ави артыккаг хатт) уад ацы хъуыддаг не сфаразта на сыхаг Гуырдзыстоны меньшевикты хицауад, ама сфанд кодтой анасаттон иратты карды ком ама топпы намыгай басаттын. Са царан бынаттай са фатарын, са ис, са мулк сын байсын, са уазгуыта сын басудзын, ныххалаттаг са канын, цамай сын фастама  арыздахан мауал уа. Йа хицауады бардзырдма гасга туджы зайта рауагъта Валикъо Джугъели  йе фсадима Ирыстоны заххыл. Хатыр ама таригъад на зыдтой, мардтой, афхардтой ана аххос адамы, артхутаг сын фестон кодтой са царануатта ад фаллой, аталат сын кодтой са фос.

 

«Бон сихорафонырдам факъулис, афта чидар ныццагъта дзангараг ама хъаубастыл айхъуыстис йа фадисма сидаг залланг. Уымай бира растаг на рацыдис ама кацайдар фазындис бахджын фадисон.  Адам ыл атуыгыр сты. Бараг йа фынккалга уырсай хизга дар не ркодта, афтамай фехъусын кодта, меньшевикты афсад кай арбафсарынц Гуры ардыгай. Сты бира ама хацангарзай хорз ифтонг. Стай ма йа йа ныхасма бафтыдта, загъга,  нырма агар раджы  растын кодтой на къухдариуагганджыта адамы. Бынтон адзаттайа на арбаййафтой. Фала ма ныр цы ганан ис, карды бын уаууытай нал у, каман куыд йа бон цауы, афта йа сар бафснайад. Стай йа фаллад бах арцавта кодта ама дарддар  атындзыдта Хъорнисы ардам. Тыхст адам тымбыл кодтой, «къанцыла» кай хуыдтой, уырдам, лаууыдысты ама тархон кодтой, дарддар куыд баканой, ууыл. Уалынма Никозы ардыгай фацыдис сармадзаны гарах, ама йа пилон скалдис райдиан къласта скъолайы агъуыстан. Фасивадай чидарта цардаг сгаппыта кодтой агъуысты сарма ама йа ахуыссын кодтой. Уалынма са сарты арбатахтис знаджы аэроплан, арзылдис, цалдар ахсты са факодта, ама атахтис Хъорнисы ардам.- дзырдта иу йа мысинагта ма фыды мад.

 

        Адам катайы бахаудтой. Базыдтой се намонд, амбарстой гуырдзыйы афсад са авыдай кай нал ныууадздзан, ама сфанд кодтой хъауай фалидзын. Хацангарз хассынхъом чи уыдис, уыдон та фадисы цыд акодтой Никоз ама Аунеуы хъауты арбацауантам… Цамай цас ганан ис, уыйбарц растаг бауромой азнаджы афсады, цалынма лигъдатта Зары афцагай ахизой … Фала иуан- дыууа афсад. Нымацай чысыл, хацангарзай магуыр ифтонг адамы бахъуыдис фастама алаууын.  Уадма хъауы адам дар тагъд-тагъд амбырд кодтой са дзауматан са рогдарта, ама са фандаг кодтой Зары афцаджы ардам. Фандагыл сам къордгайттай иу кодтой сыхаг хъауты царджыта дар.

 

         Уанеон дар йа сабитима удаисга цыдар мурта йа къухы райста, хизанай йа фосай цалдар сары са разай акодтой, ама араст сты инна лигъдатты фадыл. Бира ацауын сын на бантыст, афта са арбаййафтой бурныматджынта ( афта хуыдтой гуырдзиаг меньшевикты, бур, цыбыр англиса ныматта кай дардтой, уый тыххай). Сылгоймагта ама сабиты на бафхардтой, фала сын са дзауматы мурта, ама фос байстой. Машо барга са разма арлаууыдис, сын лагъзта кодта, барга ма ныххацыдис йа бинонты дараг кай хуыдта, уыцы хъугыл,  фала агъатыр меньшевикта мурма дар не рдардтой саударг, ахсаз сидзаргасы лагъста. Цай, фосы мат ма кай уыдис. Гайтма сахадаг авыдай аиварстысты.

 

       …Араст сты дарддар са фыдабойнаджы фандагыл. Куасаталай Додоты хъауырдам куыддар фахард кодтой, афта са гвардионты андар къорд арбаййафта.  Барджытан хорзхаст бахта са быныкафыдысты, лигъдатты иу къорды са ахсан скодтой, ама са алыварс зилахар кодтой. Адамма авзыстой ехсытай.Хъарай, са дзыхыдзаг мыр-мыр кодтой, джидзаг скъардтой фаллад, адых ама мастджын адамай. Аппат адон уынгайа адамы иу хай ныппырх сты хъадты. Алардыгай хъуыстис сылгоймагты марой, сабиты цъаххаст, меньшевикты алгъыст. Ма фыд йа дыууа хоима фаиппард сты бинонтай, ама ныггаппыта кодтой ададжы. Фыртасай сабита бабырыдысты егъау къайдуры бын, ама уазал цаугадоны фалаууыдысты суанг изардалынгтам. Уадма арталынг, адамы хъалаба дар нал хъуыстис ама  тарст, аххормаг сываллатта дар рабырыдысты са амбахсанай. Алфамблай цъиузмалаг нал уыдис. Цы фауой, кадам фацауой, уыман ницы зыдтой, ама чысыл фалдар хосы макъуылты бабырыдысты. Дыккаг бон райсомырдам куы райхъал сты, уад касынц ама уыдонай чысыл фалдар дыууа ацарга сылгоймаджы, сема дыууа сабийы-къуылдымы фахард кодтой. Ма фыд йа хотима са фадыл фалидзаг сты. Арлаууыдысты сам сылгоймагта дар, бафарстойса чи сты, кацон сты, уымай. Сахадаг разындысты Принеуы хъауккагта, уыдон дар са бинонтай фахицан сты, ама катай кодтой. Уыцы растаджы алкаман дар йа сар йа кой уыдис, ама ма андарыл чи хъуыды кодта. Аниу кадам хъуама факодтаиккой сидзар сываллатты дыууа ацарга, адых сылгоймаджы? Ноджы куы базыдтой сабиты мады арвадалта Зары хъауккагта сты, уад сын бацамыдтой фандаг, радтой сын нартхоры кардзын, цыхты къартт ама  сахадаг дарддар араст сты.

 

     Адгуыты цаугайа, сываллатта фаиппард сты са фандагай, ама иунаг хуыцау йа зонаг, кацырдам фахаудаиккой, изармилты сыл гвардионта куынна фембалдаиккой, уад. Сываллатта хотыхджын адамы фенгайа фыртасай адзам алаууыдысты, сахимид баргъафстысты, са карадзи арбахъабыс кодтой ама са кауын райхъуыст. На зонын цы зардата сын уыдис, фала се хсан ацаргадар кацы уыдис, уый йе мбалттан цыдар ныхкъуыран ныхаста загъта, ама сам  архызт йа бахай. Арсабыр са кодта, баузалыдис сыл, цамайдарты са фарста, фала йа уыдон не мбарстой, армастдар «Зар», «Зар» кодтой, ама сам лагъстиаджы каст кодтой. Меньшевик сам адзынаг факаст, стай сын йа дзыппай систа сакары къарттыта. « Аваццаган уыман дар мах цахъхъан сываллатта уыдис, ама йа зарда фафалман»- уыцы хабар арымысгайа иу загъта ма фыд.

 

         Бамбарстой са гвардионта ави на, фала сын равдыстой фандаг аввахсдар хъаума. Афта бира хъизамартта бавзарыны фаста бахацца сты са мады арвадалтам. Ам дар хъауы цараг нал уыд. Хъаубасты царджыты иу хай фалыгъд, анната арбынат кодтой Эграйы афцаг ама уырдам аввахс лагатты. Афта бира рахау-бахауы фаста бафтыдысты са бинонтам. Кам ма уыдис Машойы цинан карон! Ферох дзы сты йа хъизамартта, фастаг бонты бавзарга тухита. Йа циныл ын радысты йа хиуатта дар. Цин кодта Уанеон, йе рта хъабулы кай разындысты, ууыл, фала хистар чызг Олгъайы фесафтыл та йа зарда скъуыдта кодта. Фын фенагау йа цастыты раз лаууыдысты  уыцы боны арцауга хабартта. Меньшевикта са куыд арбасырдтой, куыд сыл архъула кодтой, куыд сам артхъиран кодтой, стай тарст адам файнардам хъадты куыд ныппырх сты уыдатта…

 

         Уыцы хъомпалы йа фыртыхстай на федта, сабита ададжы куыд ныггаппыта кодтой, уый. Йахадаг иннатима балыгъдис хъадма. Фала са лагсырдта уырдам дар басырдтой, ама та са се хсан скодтой. Уад Олгъайыл 16 азай чысыл фылдар цыдис. Расугъд, рахснаг чызгыл уайтагъд са цаст арывардтой тыхганджыта. Иуцасдар сахимид цауылдар атархон кодтой, стай барджытай са иу бахай аргапп кодта, чызджы фелваста ,-иннайы фасарц ай авардта, ама куыд ананхъаладжы фазындысты, афта уысмма фатары сты. Машо ма са фадыл йахи барга аппарста, фала уыдонан са дымга дар нал фазынд. Фахъыг, фердиаг кодта ныййараг мад, йахицан бынат дар нал ардта, фала цы йа бон уыдис, аххуысма дар кама хъуама фасидтаид? Стай каман цы йа бон уыдис, кам ай хъуама агуырттаиккой. Иудзырдай бинонта сахи бакодтой хъысматы бар. Афта хъыг ама катайганга, адзух хуыцаума кувгайа арвыста ныййараг мад йа бонта.

 

       Бира на ахаста фыддуг растаг, баста арсабыр, меньшевикта даран баййафтой ама на бинонта дар фастама арыздахтысты са уазагма. Ангом, фаллойуарзаг бинонта цадаггай ралаууыдысты са къахыл. Цыдис растаг, фала Машо иу уысм дар на рох кодта йа сафт хъабулы, мысыдысты са хойы йа мадызанагта дар, фала уымай ницы хабар хъуыстис. Иуахамы, изарырдам бинонта ахсаварыл куыд арбадтысты, афта сам дуар арбахостой дыууа гуырдзиаджы. Фысымта са бахуыдтой мидама, суазаг са кодтой. Уазджыта разындысты Сачхерейы зылдай, Чорчанайы хъауккагта, Мумладзеты мыггагай.

 

Уазджыта къамдзастыгганга, хатыртакурга радзырдтой Олгъа уыдонма кай цары, са чындз кай бацис, уый. Чи йа аскъафта, уый та у се фсымары лаппу. Аппатдар хорз у, армаст адзухдар анкъард каны, йахиуатты мысы, йа зарда уам ахсайы. Са цинан ма кам уыдис карон бинонтан, хиуаттан. Цы ганан ма сын уыдис, агайтма удагас разындис. Куыд амбалы, афта балаггад кодтой уазджытан, афандараст са кодтой, ама сахи цатта канын райдыдтой са чызджы уынаг ацауынма. Олгъа кад авандонай фацыдис чындзы, уымай дар йахицай бира асдар чи уыдис ахамма, йе взонг зарда фарыстис тыхганджыты митай, уаддар фастма нал раздахт йа бинонтам. Диссаджы саран ама хадзардзин разындис, инна ахсаз файнустай хицан кодта йа уынд, уаздандзинад ама уазаграйстай. Ирон чызджы армыконд никаима хацца кодта, йа архъуыды ама фезмалдма йын тахуды кодтой комбасы адам. Кастарта дар сын хорз рацыд йа цардамбал Митъроима схъомыл кодтой ама царды раст фандагыл сывардтой фараст кастары. Хицау ама йа афсин дар уалдай хъулон уарзт кодтой са ирон чындзы. Фала иу ныхас куы архаудта дыууынам азты хабарттыл, уад иу сын са ных бакъуырдта, йа ирон афсарм ын бар цас лавардта, уыйас. Гъе ахам хъизамартта баййафтой гуырдзиаг тыхганджыты ардыгай на бинонта дар.

 

       Дзавгар растаг рацыд уадай, ама уый анхъал кам уыдыстам ама ма ныл искуы ахам фыддуг растаг скандзан.  Ма хиуаттай та мын бираты 1989-92 азты фахауаггаг кодтой са уазгуытай. Карзай са бафхардтой армастдар иратта кай уыдысты, уый тыххай… Сабыр ама уаздандар кам уыдис ма мады афсымар Уаниты Митъойа. Куыстуарзаг, фалман, сыгъдагзарда ама йа анахин адаймагай зыдтой Гуры хъуымацуафан комбинаты кусджыта. Йа уд, йа дзацц уыдис искаман хорзы бацауын, тыхст адаймаган балаггад канын. Мах нахадаг, харафыртта, инна мадыфсымартай се ппатай фылдар Митъойы уарзтам. Ама ныл уый дар аудыдта, царвау ныл тадис. Баста куы сызмастис, уаддар Гурай нарацыдис. «Цы лидзинаг фадан. Аз кусаг лаг дан, авзар хъуыддаг ма царамбонты никаман саразтон, малдзыгыл дар куы никуы ныллаууыдтан, уад ма цаман хъуама бафхарой. Стай ма хиуаттан, ма халарттан са фылдар гуырдзиагта куы сты, уад тыхст сахат иу ладжы баварын са бон куынна бауыдзан»,- хъазанамхасан иу дзырдта Митъо.

 

        Гъе, ма мады афсымар, да фын да фасайдта. Ныфс камай авардтай, да хорз сыхагта ама халарттыл кай нымадтай, уыдон да тыхсты сахат бамбахстысты, ама кад уыдонай бирата, уалдайдар да сыхагта зыдтой марынма да кай факанынц бонсихорафон, уаддар сахи ницызонаг, ницыуынаг скодтой. Иу адаймаг са аттама на рахызтис. Са дуартты хуынчъытай сусагай кастысты, дау, са адджын сыхаджы марынма куыд факанынц, уыма. Стай баластысты са лыстантам.  Афтамай сын ды та лаггадганаг уыдта, уырдыг сын лаууыдта, да райгуыран Бобнеуы хъауы да цангты тыхай арканга сан, дырхъ ама фыдызгъалай са цух на уагътай. Цыма дам цы азым архастой да марджыта та, ирон адаймаг кай да уымай дарддар, удагасай басудзыны тархон дын куы рахастой уад.

 

       Дзанаты бадинаг Хъуылымбегты Мераб ма фыды хойы лаппу уыдис. Зынгзарда патриот, хиуатты уарзаг, хъаубасты фидауц ама куыстуарзаг, царга Дидмухайы кодта, кусга та Цхинвалы. Уаззау бонты дар на ныууагъта йа фыдыуазаг, иннатима ахсавай-бонай хъахъхъадта йа райгуыран хъау. Гуырдзы хорз зыдтой ирон лаппуйы хъабатырдзинад, бира хъыцъыдатта сын бадардта, фала йам аргом на уандыдысты, ама сусагай зылдысты йа фадыл. Мераб йахадаг амбарста, са къухы куы бахауа, уад ай надар ахца, надар хацангарзыл кай на баивдзысты. Фала искуыдам растагма фацауын, йахи бааууон канын та йа сарма на хаста. Лагай-лагма йын кай ницы ракандзысты, анцонай са къухты кай на бафтдзанис, уыдонай цардаг ама архъуыдыджындар кай у, уый бамбарстой йе знагта ама йын йа фадыл бафтыдтой ирон уайганджыты- йе мхъауккагтай кайдарты. Ахсав-бонай кай хъахъхъадта, уахскуаз лаггад каман кодта, йа хорз сыхагтыл кай нымадта, фарсай-фарсма адджынай фацарынма каима хъавыд уыдон ын разындысты йа хъысмат скъуыццагганджыта. Иуахам, амбисахсав, йа ацарга мады барагганаг куы бацыдис, афта хадзары алыфарс архъула кодтой гуырдзиаг балбирагъта. Барга февналдта йа хотыхтам, барга сласта йа фыд Сосланы ахсаргард, фала хадзары уыдысты йа заронд мад, йа мады хо, йе фсымар ама се рвад. Знагта хъайтары рахысбаст скодтой ама йа афтамай са разай тъаппыта ганга ракодтой. Сема ма ракодтой йе фсымар Уасил ама Феликсы дар. Ма фыды хо ма са фаста барга цыдис, барга сын лагъста кодта, фала йам хъусаг чи уыдис, уый на фала ма йам амарынай дар бартхъиран кодтой. Стай са иу цауга-цауын афта бакодта: «Инната раздахдзысты, фала аман раздахан нал ис.»- ама къухай равдыста Мерабы ардам.

 

            Бира фахъизамар кодтой ирон лаппуйан гуырдзиаг лагмарта, фала сын уаддар на бакуымдта саттын, ама кады малат ссардта Карелы районы ирон хъау Догълаурма хастаг. Бира фыдабатты фаста йын уырысы афсады фарцы  ссардтой йа инган ама йа арбаластой Ирыстонма. Барга фандыд хиуатты  цамай йа Дидмухайы уалмарды йа фыды фарсма баварой, фала уыдис уаззау растаг, гуырдзы алырдыгай хъыззы кодтой, на мардты нын на уалмардты ныганын нал уагътой, амауад сфанд кодтой хъайтары мард на гораты 5-ам скъолайы карты баварын. Мерабы мард Цхинвалма куы арластой, уад йа мад та Дидмухайы уыдис. Алырдыгай гуырдзиаг хъаута, аталфан ничердам ис. Дыууа кардзыд налгоймаджы са цардан кад тассаг уыдис, уаддар бацыдысты Аунеуы хъауы цы абырджыта уыд, уыдонма ама сам бахатыдысты, цамай йын йа ныййараг мады, цалдар сылгоймагима рауадзой ууылты Цхинвалма. Барга хатыдысты уыцы хъаубасты царджытам дар, фала не сразы сты. Армастдар уырыссаг афсаддонтам бахъардта ныййараг мады рис, ама йа уыдон аркодтой верталетыл. Афтамай уарзагой, ныййараг мадан фацис фадат йа фыртан фастаг харзбон загъынан.

 

           Аз цыбыртай радзырдтон, на бинонта ивгъуыд анусы гуырдзыйы ардыгай анаххосай цы афхард баййафтой уыдатты тыххай, ис ахамта ме мтуг адамай, ноджы тынгдар кай бафхардтой, ама уый та ныббаринаг ама анаферохканинаг хъуыддаг нау. Аниу цы бараг ис ама та ныл не ркандзан ахам бон. Уыма гасга хъуама уам цырддзаст, ма сыл аууандам. Иумиаг паддзахады махан иума царан нал ис. Миййаг уыдонай цауддар куы на  не стам, уад цаман хъуама уам са далбар. Барвандай къалат сканын та худинаджы хъуыддаг у.

 

Лохты Джамбулат

Выделите часть текста и нажмите Ctrl+Enter. Нашли ошибку?
Выделите часть текста и нажмите Ctrl+Enter.

Информация

Для того, чтобы оставить комментарий, вам необходимо зарегистрироваться.
Если вы уже зарегистрированы, введите логин и пароль:

Шахтинская

БТК 4

Задать вопрос

Объявления

Сдаётся в аренду 2 этажный дом на длительный период под офис или жильё.
В доме 9 комнат, 3 санузла, крытый гараж на 4 машины. Площадь 242 квадрата
Дом расположен в центре города по улице Сталина 69а (бывшее здание Минэконимики РЮО).
Контактный телефон 8 929 808 00 11. Спросить Юрия

***

Срочно .В селении Бузала продаётся 2 этажный частный дом
со всеми удобствами, имеется большой участок.
Телефон: 8 929 806 40 40, спросить Юрия

***

Строительная бригада из солнечной Армении
оказывает все виды строительных работ в г.Цхинвал.
Цены договорные .Телефон для справок +7929 803 57 99

***

Продаётся частный дом в селение Тбет.
Телефон для справок 8928 199 00 08
Спросить, Роберта Гулиева

***

Доставка грузов из любой точки мира в Цхинвал.
Отправка любых грузов из Цхинвала в любую точку мира.
Услуги импорта-экспорта в Россию и из России.
Помощь в растаможке на пункте пропуска нижний Зарамаг
ООО "Алания Карго". 8-929-520-41-94. 8-916-797-00-73 info@alania-cargo.ru

***

Продолжается набор в «Футбольную школу» детей 1,2,3 классов .
Занятия в зимний период проводятся в здании 6 школы, во вторник, четверг и в субботу в 17.00.
Тел для справок: +79298057214 Тренер Маргиев Вячеслав

***

Продается половина большого 2-х этажного частного дома со всеми удобствами в центре города по ул. Сталина 69.
цена 2 миллиона 500 тысяч. Торг уместен. Справки по телефону : 8 929 806 39 15 спросить Жанну

***

Установка видеонаблюдения и охранных систем. Справки по телефону: 8-929-811-50-44

Новости

«    Июль 2014    »
ПнВтСрЧтПтСбВс
 123456
78910111213
14151617181920
21222324252627
28293031 
Выделите часть текста и нажмите Ctrl+Enter. Нашли ошибку?
Выделите часть текста и нажмите Ctrl+Enter.
Потерянная Осетия